Установа культуры «Клімавіцкі раённы краязнаўчы музей»

Музей заснаваны 11.07.1978 г. Адкрыты для наведвальнікаў 24.07.1984 г. Колькасць прадметаў асноўнага фонду на 01.01.2017 г. склала 6 498 адзінак. Найбольш значнымі экспанатамі з'яўляюцца старадрукаваныя кнігі "Трэбнік" (II пал. XIX ст.) і "Мінеі" (1868 г.); зуб шарсцістага насарога (30-15 тыс. год); прадметы народнага адзення XIX ст. Музей размешчаны ў жылым доме (помніку архітэктуры XIX ст.), які належаў князю М.М. Мяшчэрскаму. Пастаянная экспазіцыя прадстаўлена наступнымі раздзеламі: "Прырода", "Далёкае мінулае" (XVI-XX стст.), "Рэвалюцыя 1917 г." "Вялікая Айчынная вайна", "На мяжы стагоддзяў", "Знакамітыя землякі". Адным з кірункаў работы музея з'яўляецца складанне і выданне кніг, буклетаў, брашур, фотакаталогаў, а таксама напісанне артыкулаў, прысвечаных знакамітым землякам. У 2010 г. музей прыняў удзел у праекце "Сем цудаў Клімаўшчыны", распрацаваным Клімавіцкім райвыканкамам. Да святкавання 1025-гадовага юбілею в. Стары Дзедзін Клімавіцкага раёна супрацоўнікамі музея было падрыхтавана і праведзена 14 жніўня 2010 г. мерапрыемства па адраджэнню абрада "Асвячэнне вады".
Першы нацыянальны форум "Музеі Беларусі". Каталог музеяў. Міністэрства культуры Рэспублікі Беларусь, 2012.Дадатковыя крыніцы аб музеі:Клімавіцкі краязнаўчы музей. Ekskursii.byКлімавіцкі краязнаўчы музей. Музеи Беларуси вместе с Белкарт